Interview with TV5-Oct 11,2009 about SmartCambodia.com

បទសម្ភាសន៍អំពីគេហទំព័ររបស់ SmartCambodia.com

នៅក្នុងកម្មវិធី variety@5 នៅទូរទស្សន៍ប៉ុស្តិ៍លេខ៥

ពិធីករ សូមជំរាបសួរ អស់លោកលោកស្រីអ្នកនាងកញ្ញាជាទីមេត្រី ដែលបានទស្សនាក្នុងកម្មវិធី Varitey@5 ដែលមានជារៀង
រាល់ថ្ងៃអាទិត្យវេលាម៉ោង 2:30 នាទី រហូតដល់ម៉ោង 3:30 នាទី។ ជាមួយកម្មវិធីរបស់យើង គឺតែងតែលើកយកបង្ហាញជូនបង
ប្អូនប្រជាជនខ្មែរទាំងអស់ឱ្យបានជ្រាបនិងដឹងអំពីអ្វីដែលប្លែក អ្វីដែលជាការអភិវឌ្ឍន៍នៅក្នុងព្រះរាជាណាចក្រកម្ពុជាយើងគឺជា
មួយនឹងការទាក់ទងអ្វីដែលប្លែកគ្មាននរណាធ្វើដូច ដូចជា៖ ការប្រកបមុខរបរ ការផលិតនូវអ្វីផ្សេងៗដែលមានតែគាត់ម្នាក់អាច
ធ្វើទៅបាន។ ប្រាកដណាស់អស់លោកលោកស្រីអ្នកនាងកញ្ញា ទស្សនានិងគាំទ្រនៅក្នុងកម្មវិធី Varitey@5 របស់យើងជារៀង
រាល់សប្តាហ៍ដោយឡែកនៅក្នុងសប្តាហ៍នេះកម្មវិធីរបស់យើងប្លែកបន្តិច គឺសប្តាហ៍កន្លងមកវគ្គដំបូងគឺយើងតែងតែជួបជាមួយកិច្ច
សម្ភាសន៍ លោកគឹម ឡុង ជាមួយនឹងកញ្ញា ដាវីដោយចុះទៅតាមកន្លែងផ្ទាល់តែម្តងទៅតាមគេហដ្ឋាន ឬនៅកន្លែងធ្វើការជា
ដើម...។ហើយនៅក្នុងសប្តាហ៍នេះបានផ្តល់ជាកិត្តិយសគឺលោក ជ្រីវ កុសុណាជានាយកប្រតបត្តិនៃក្រុមហ៊ុន SMART
International Consultingដែលលោកផ្តល់កិត្តិយសផ្ទាល់ជាមួយនិងការបង្ហាញជូននៅក្នុងកម្មវិធីរបស់យើងផ្ទាល់តែម្តង ។
ជាមួយនិងការបង្កើតគេហទំព័រថ្មីដែលពាក់ព័ន្ធជាមួយ និងប្រវត្តិសាស្ត្រខ្មែរ ដូច្នេះក្នុងកម្មវិធីនេះក៏មានសំនួរជាច្រើនដែលពាក់ព័ន្ធ
និងគោលគំនិតរបស់លោកពូ ផងដែរ។

ពិធីករ ក៏ប៉ុន្តែក៏សុំឱ្យលោកពូជួយបញ្ជាក់នូវពាក្យ Smart International Consulting នេះមានន័យយ៉ាងម៉េចដែរ?

លោក ជ្រីវ កុសុណា ក្រុមហ៊ុន Smart International Consulting ត្រូវបានបង្កើតឡើងនៅក្នុងឆ្នាំ ២០០៣ គឺផ្តល់សេវាកម្ម
និងប្រឹក្សាយោបល់ទៅលើបច្ចេកវិទ្យាព័ត៌មានហើយគោលបំនង របស់យើងគឺអភិវឌ្ឍន៍ធនធានមនុស្ស នៅក្នុងព្រះរាជាណាចក្រ
កម្ពុជាយើង ដើម្បីឱ្យធនធានមនុស្សរបស់យើងមានកំរិតខ្ពស់ទៅតាមលក្ខណៈអន្តរជាតិដោយ យើងអាចធ្វើការបាននៅតាមទីផ្សារ
អន្តរជាតិតែម្តង ហើយជាអាទិ៍៖ ក្រុមហ៊ុន របស់យើងបានធ្លាប់ធ្វើការងារជូនដល់ ក្រុមហ៊ុនធំៗ ដូចជា៖ក្រុមហ៊ុន Microsoft,
Samsung ជាដើមដោយសារ បុគ្គលិករបស់យើងមានចំណេះដឹងខ្ពស់ ។

ពិធីករ នេះហើយគឺជាលក្ខណៈរបស់កូនខ្មែរយើងពិតៗ តែសំរាប់សប្តាហ៍ នេះគឺចង់បង្ហាញពីគេហទំព័រមួយដែលលោកពូបាន
បង្កើតគេហទំព័រមួយដែលទាក់ទងនឹងប្រវត្តិសាស្ត្ររបស់យើង តើគោលបំនងយ៉ាងម៉េចដែរក្នុងការបង្កើត គេហទំព័រនេះ ?

លោក ជ្រីវ កុសុណា យើងបង្កើតគេហទំព័រនេះគឺមានគោលគំនិតថាប្រទេសកម្ពុជារបស់យើងកំពុងមានការអភិវឌ្ឍន៍ខ្លាំង
ដោយសារការដឹកនាំរបស់សម្តេចនាយករដ្ឋមន្ត្រី ដូច្នេះ ខ្ញុំយល់ថាយុវវ័យនិងប្រជាជនរបស់យើងត្រូវតែយល់ច្បាស់ អំពី ប្រវត្តិ
សាស្រ្តរបស់ខ្លួន ពីព្រោះប្រវត្តិសាស្ត្រជាការចងចាំរួម ដូច្នេះ កាលណាយើងយល់ពីប្រត្តិសាស្រ្តរបស់យើងធ្វើឱ្យយើងមានមោទ
នភាពទៅលើជាតិយើង ពីព្រោះយើងធ្លាប់មានប្រត្តិសាស្ត្ររុងរឿងហើយប្រសិនបើយើងទាំងអស់គ្នាដឹង យើងនឹងមានមោទន
ភាពខ្លាំង ។

ពិធីករ បាទ, ជាមួយនឹងក្រុមហ៊ុនលោកពូគឺបើកតាំងពីឆ្នាំ ២០០៣ រហូតដល់ឆ្នាំ ២០០៩ គឺមានរយៈពេលជាង ៦ឆ្នាំ ហើយគិត
ថាក្នុងរយៈតាំងពីចាប់បើកពីដំបូងមករហូតមកដល់ សព្វថ្ងៃនេះ មានការវិវត្តន៍ខុសគ្នាយ៉ាងម៉េចដែរ?

លោក ជ្រីវ កុសុណា យើងចាប់បើកមក គឺក្នុងគោលបំនងចាប់យកទិសដៅនៅក្នុងទីផ្សារអន្តរជាតិតែម្តង ដោយមិនបានយក
ទីផ្សារក្នុងស្រុកជាទិសដៅរបស់យើងទេ។ ដូច្នេះយើងបានខំក៏សាងផ្នែក ធនធានមនុស្សក្នុងរយៈពេល ៦,៧ ឆ្នាំហ្នឹង យើងបាន
ចំណាយធនធានច្រើនពង្រឹងផ្នែកធនធានមនុស្សនៅក្នុងក្រុមការងាររបស់យើង ហើយរហូតមកដល់ពេលនេះ យើងចូលដល់វគ្គ
មួយគឺថា គោលបំនងរបស់យើងបានជាស្ថាពរហើយ យើងឈានដល់មួយទៀតគឺចង់ឱ្យព្រះរាជា ណាចក្រកម្ពុជាយើងមានកេរ្ត៍
ឈ្មោះនៅលើសហអន្តរជាតិតែម្តង ដូច្នេះទើបយើងបង្កើតគេហទំព័រនេះ គឺថាធ្វើឱ្យ បរទេសគេស្គាល់គេហទំព័រនេះដែល មានជា
ភាសាខ្មែរ និងអង់គេ្លសផង ហើយយើងកំពុង តែរៀបចំជាភាសាចិន និងភាសាបារាំងថែមទៀត ដើម្បីឱ្យបរទេស គេបានដឹងពី
ប្រវត្តិសាស្ត្រខ្មែររុងរឿងនិងអត្តសញ្ញាណខ្មែរយើង ។

ពិធីការិនី តាមដែលខ្ញុំបានដឹងខ្លះៗផងដែរ ជាមួយនិងគេហទំព័រនេះគឺមានក្បូរក្បាច់រចនារបស់ខ្មែរយើងផងដែរ តើចំពោះបង
ប្អូនប្រជាពលរដ្ឋខ្មែរយើងដែលគាត់រស់នៅក្រៅប្រទេសថាតើគាត់មានចំណាប់អារម្មណ៍យ៉ាងណាដែរជាមួយនិងគេហទំព័រនេះ ?

លោក ជ្រីវ កុសុណា យើងមានការគាំទ្រជាខ្លាំងចំពោះគោលបំនងរបស់យើងគឺចង់ភ្ជាប់ខ្មែរឯនាយសមុទ្រនិងខ្មែរក្នុងស្រុក ពីព្រោះយើងយល់ថាខ្មែរដែលគាត់រស់នៅឯនាយសមុទ្រមានកំរិតរស់នៅខ្ពស់ជាងខ្មែរដែលគាត់រស់នៅក្នុងស្រុកហើយក៏មាន
ឱកាសបានរៀនចេះដឹងខ្ពង់ខ្ពស់យើងចង់ឱ្យគាត់ជួយអភិវឌ្ឍន៍ប្រទេសកម្ពុជារបស់យើង ដូច្នេះយើងមានការគាំទ្រជាខ្លាំងដូចជា
ខ្មែនៅអាមេរិក និងកាណាដា អូស្ត្រាលីក្តី ដោយសុំឱ្យពួកគេជួយអភិវឌ្ឍន៍ប្រទេសកម្ពុជា យើងពីព្រោះប្រទេសយើងកំពុងអភិវឌ្ឍន៍
ត្រូវការអ្នកដែលមានចំណេះដឹងច្រើន ហើយខ្ញុំមានការសប្បាយចិត្តមែនទែន ។

ពិធីករ ពីព្រោះគាត់ជាឈាមជ័រជាខ្មែរ ថ្វីត្បិតតែការរស់នៅរបស់គាត់នៅឯក្រៅប្រទេសក៏ពិតមែន ក៏ប៉ុន្តែចង់ឱ្យឈាម ជ័រជាខ្មែរ
នោះត្រឡប់មកវិញខ្លះ ដើម្បីឱ្យប្រទេសជាតិរបស់យើងនោះមានការរីកចំរើនហើយក៏ជាមោទនភាពរបស់យើងក្នុងនាមកើតលើ
ទឹកដីខ្មែរជាកូនខ្មែរ អរគុណច្រើន ។ ឃើញមានរូបដ៏ធំនេះតើលោកអាចបង្ហាញជូនបានទេ ?

លោក ជ្រីវ កុសុណា នេះគឺជាផ្ទាំង Poster ដែលយើងបានផ្សព្វផ្សាយនៅលើទីផ្សារអន្តរជាតិ ដោយដាក់ពាក្យថា បើអ្នកចង់
ស្គាល់ អំពីវប្បធម៌ ចង់ស្គាល់អំពីប្រវត្តិសាស្ត្រខ្មែរ ដូច្នេះគេហទំព័រនេះនឹងផ្តល់ចំលើយទាំងអស់នេះ ។

ពិធីករ បាទ! នេះជាកត្តាមួយដែលភ្ញៀវបរទេសគាត់ចង់ស្គាល់អំពីប្រវត្តិសាស្រ្តខ្មែរ ក៏ដូចជាតំបន់ទេសចរណ៍សំខាន់ៗនៅក្នុង
ព្រះរាជាណាចក្រកម្ពុជាយើង ព្រោះគាត់អាចឆែកមើលនៅក្នុងគេហទំព័ររបស់យើង ។

លោក ជ្រីវ កុសុណា បាទ! គេហទំព័ររបស់យើងមិនគ្រាន់តែចេះតែធ្វើៗនោះទេ គឺចំណាយពេលក្នុងការស្រាវជ្រាវច្រើន ដើម្បី
ឱ្យឯកសារទាំងអស់មានភាពពិតប្រាកដ ហើយម្យ៉ាងវិញទៀតគឺយើងមិនចំលងពីអ្នកណានោះទេ អ្វីដែលយើងបានដាក់ក្នុងនេះ
គឺយើងបានធ្វើការស្រាវជ្រាវដោយផ្ទាល់តែម្តង យើងមានលោកបណ្ឌិតមីសែល ត្រាណេ ដែលជាប្រវត្តិវិទូបានជួយរៀបចំគេហ ទំព័រនេះឱ្យមានលក្ខណៈត្រឹមត្រូវទាំងអស់ឥតមានក្លែងបន្លំឬដកស្រង់ពីអ្នកណានោះទេ ។

ពិធីករ ជាបន្តទៀតចង់គោរពសួរលោកពូមួយថា បើសិនជាកូនខ្មែររបស់យើងឆែកគេហទំព័រនេះតើគាត់ចេះអ្វីខ្លះពីគេហទំព័រនេះ?

លោក ជ្រីវ កុសុណា បាទ!ទីមួយគឺគេហទំព័រនេះបានផ្តល់ឯកសារសព្វគ្រប់បែបយ៉ាងទាក់ទងនឹងប្រវត្តិសាស្រ្តខ្មែរ វប្បធម៌ខ្មែរ
និង ទំនៀមទំលាប់របស់ខ្មែរយើងគឺយើងពន្យល់ក្បោះក្បាយទាំងអស់។ ឧទាហរណ៍ថា នៅទីក្រុងភ្នំពេញបាន កកើតឡើងពីសម័យ
ណា? ហេតុអ្វីបានជាភូមិខ្លះរបស់ខ្មែរយើងមានពាក់កងមូលៗ?ជាពិសេសនៅមានមួយផ្នែកទៀតក្នុងគេហទំព័ររបស់យើងគឺ
បង្រៀនតែម្តងតាំងពីភាសាខ្មែរ,ការទំនាក់ទំនង,ការប្រើកុំព្យូទ័រគោលបំនងគឺជាគេហទំព័រមួយដែលយុវវ័យយើងប្រជាជនខ្មែរ
យើងចូលមកអាចទទួលបានព័ត៌មានតែម្តងគឺធ្វើយ៉ាងណាចង់ឱ្យចំណេះចេះដឹងរបស់ខ្មែរយើងកាន់តែខ្ពស់ឡើងៗ ។

ពិធីករ បាទ, នៅពេលនេះលោក លោកស្រី អ្នកនាងកញ្ញា បានជួបលោកពូ ជ្រីវ កុសុណា ដែលពាក់ព័ន្ធនឹងសំនួរផ្សេងៗជាមួយ
នឹងគេហទំព័រដែលលោកពូបានបង្កើតដែលទាក់ទងនឹងប្រវត្តិសាស្រ្តខ្មែរ ។ នៅពេលនេះកម្មវិធីរបស់យើងសុំពេលសំរាកមួយ
ភ្លែតសិន ។

ពិធីការិនី ចាស, សូមស្វាគមន៍ជាមួយនឹងកម្មវិធី Varitey@5 ជាមួយនិងកិច្ចសម្ភាសន៍ជាមួយនិង លោក ជ្រីវ កុសុណា ហើយក៏
មានសំនួរខ្លះសំរាប់ជំរាបសួរលោកពូ។ ជាដំបូងតើមានវិធីសាស្រ្តផ្សព្វផ្សាយបែបណាខ្លះ?

លោក ជ្រីវ កុសុណា បាទ, វិធីសាស្រ្តផ្សព្វផ្សាយរបស់យើងគឺផ្តោតទៅលើគោលបំនងបីធំៗ៖ ទីមួយ យុវវ័យ គឺធ្វើយ៉ាងណា
ឱ្យពួកគេបានស្គាល់នូវគេហទំព័រនេះនិងសារៈប្រយោជន៍ ដូច្នេះយើងបានធ្វើការផ្សព្វផ្សាយទៅលើសកលវិទ្យាល័យជាច្រើនដូច
ជា៖ បញ្ញាសាស្រ្ត, ន័រតុន,...ដើម្បីឱ្យខាងនិស្សិតខ្មែរយើងស្គាល់ពីគេហទំព័ររបស់យើង ។ទីពីរ គឺយើងផ្តោតទៅលើសហគមន៍
ខ្មែរយើងនៅឯនាយសមុទ្រ ដូច្នេះយើងបានផ្ញើអ៊ីម៉ែលជាង ៣០០ ទៅ ៥០០ អ៊ីម៉ែលទៅប្រាប់ឱ្យ សហគមន៍ខ្មែរយើងឯនាយសមុទ្រ
ស្គាល់ ទីបីគឺយើងចង់ឱ្យស្ថាប័នរដ្ឋ,ស្ថាប័នឯកជន, ស្ថាប័នអន្តរជាតិ, ស្គាល់ពី គេហទំព័រយើងដែលផ្សព្វផ្សាយជាភាសាអង់គ្លេស។

ពិធីករ ជាបន្តទៀតក៏សុំឱ្យលោកពូកុសុណាជំរាបអំពីកត្តាតូចៗអំពីសារៈប្រយោជន៍សំរាប់យុវវ័យឆែកមើលវិបសាយនេះ តើពួក
គាត់ទទួលបានអ្វីខ្លះទៀត បើតាមដឹងគឺនៅមានកត្តាតូចៗជាច្រើនទៀត?

លោក ជ្រីវ កុសុណា សូមអរគុណ! នៅក្នុងគេហទំព័រនេះ យើងក៏បានរៀបចំកន្លែងមួយសំរាប់យុវវ័យខ្មែរយើងអាចមកពិភាក្សា
ជជែកកំសាន្តជាមួយគ្នា ភាសាអង់គ្លេសគេថា Chat គឺនិយាយគ្នាដោយប្រើភាសាខ្មែរអត់ប្រើភាសាអង់គ្លេស ព្រោះសព្វថ្ងៃនេះពួក
យុវវ័យរបស់យើងគឺ Chat ប្រើជាភាសាអង់គ្លេស ហើយឥឡូវមានជាភាសាខ្មែរតែម្តង ម្យ៉ាងវិញទៀតយើងចង់ឱ្យយុវវ័យចេះប្រើ
កុំព្យូរទ័រពីព្រោះបើគាត់ចង់ Chat ហើយគាត់មិនចេះប្រើកុំព្យូរទ័រគាត់ចរចារ គ្នាមិនបាន។

ពិធីករ បាទ, ភាគច្រើនដូចលោកពូនិយាយមែន Chat គឺភាគច្រើនប្រើភាសាអង់គ្លេសមែន Message ក៏អង់គ្លេសដែរចំពោះ
ពួកគាត់ដែលមិន ចេះភាសាអង់គ្លេស ដូចថា ខ្ញុំចង់ Chat ដែរ តែខ្ញុំអត់ចេះភាសាអង់គ្លេសអីចឹងខ្ញុំក៏មិនអាចទទួល ការលេង
Chat បានដែរ។វាជាការងាយស្រួលដែលលោកពូបង្កើត Chat ជាភាសាខ្មែរ គ្រាន់តែយើងចេះប្រើការវាយកុំព្យូរទ័រ។ ហើយឮថា
បើសិនជាព័ត៌មានពាក់ព័ន្ធនឹងការជ្រើសរើសការងារបើសិនជាគាត់ចូលទំព័រមួយហ្នឹង គាត់អាច មានការស្វះស្វែងយ៉ាងម៉េចដែរ?

លោក ជ្រីវ កុសុណា គឺថានៅក្នុងហ្នឹងយើងផ្តល់ឱកាស ឱ្យប្រជាជនខ្មែរយើងអាចផ្សព្វផ្សាយដំណឹងស្វែងរកការងារ តែម្តងបាន
ន័យថា បើសិនជាចង់រកការងារធ្វើអាចដាក់ CV ខ្លូនឯងចូលទៅក្នុងគេហទំព័រហ្នឹងហើយបន្ទាប់មកទៀតក៏មានក្រុមហ៊ុនផ្សេងៗ
មួយចំនួន បានដាក់ផ្សាយដំណឹង ជ្រើសរើសបុគ្គលិកនៅក្នុងគេហទំព័រហ្នឹងដែរហើយការផ្តល់ជូនរបស់ យើង គឺមិនមានគិតកំរៃ
ទេនេះគឺជាការចូលរួមអភិវឌ្ឍន៍ប្រទេសកម្ពុជាម្តងទៀត ហើយដើម្បីឱ្យប្រជាជនខ្មែរយើងមាន ឱកាសងាយស្រួលរកការងារធ្វើទោះ
បីការងារ ក្នុងស្រុកក្តីការងារនៅបរទេសក្តីឱ្យតែខ្មែរយើងមានឱកាសចាប់យកយើងនឹងដាក់ជូន។

ពិធីករ ងាយស្រួលបំផុត បើសិនជាយុវវ័យឬក៏បុគ្គលណាដែលគាត់មានជំនាញច្បាស់លាស់ផ្នែកណាមួយគាត់អាច សរសេរ CV
របស់គាត់ដាក់ទៅក្នុងគេហទំព័រនេះ។ និយាយទៅគឺអ្នកដែលគាត់ចង់ដាក់ពាក្យធ្វើការអាចដាក់ចូលក្នុង គេហទំព័រនេះ រីឯក្រុមហ៊ុន
ឬក៍បណ្តាអង្គការ នានាគាត់ ចង់ជ្រើសរើសបុគ្គលិកក៍គាត់អាចដាក់ចូលក្នុងគេហទំព័រនេះបាន ដែរ អីចឹងមានពីរគឺអ្នកដាក់និងអ្នក
ជ្រើស ហើយអាចទំនាក់ទំនងបានតែម្តង ។

លោក ជ្រីវ កុសុណា បាទ, ហើយសព្វថ្ងៃគឺយើងមានការគាំទ្រខ្លាំងណាស់នៅក្នុងរឿងហ្នឹងយើងមានCVចំនួនច្រើនណាស់ដែល
យើងបានដាក់ចូល ហើយក្រុមហ៊ុនក៏អីចឹងដែរត្រូវការផ្សព្វផ្សាយរកបុគ្គលិកគឺដាក់ចូលដែរ ។

ពិធីករ ឧបមាថា បើសិនបុគ្គលម្នាក់នោះជារូបខ្ញុំហើយខ្ញុំបានដាក់CVចូលក្នុងហ្នឹងហើយគាត់មានដាក់ការងាររបស់គាត់ត្រឹមត្រូវជា
មួយបទ ពិសោធន៍ការងារហ្នឹងច្បាស់លាស់អីចឹងនៅពេលដែលគាត់ចង់ទំនាក់ទំនងជាមួយក្រុមហ៊ុនដែលគាត់ ចង់ហៅគាត់ទៅធ្វើ
ទំនងឆ្លងកាត់តាមលោកពូឬក៏គាត់ដាក់ទៅតាមអ៊ីម៉ែល?

លោក ជ្រីវ កុសុណា គឺថាយើងឱ្យគេទំនាក់ទំនងផ្ទាល់តែម្តងដែលមានលេខតាមទូរស័ព្ទឬតាមអ៊ីម៉ែល ប៉ុន្តែបើសិនជា យុវវ័យ
ខ្វះបទពិសោធន៍ក្នុងការធ្វើCVក្តី ក្នុងការសម្ភាសន៍ក្តី គាត់អាចមកជួបខាងក្រុមហ៊ុនក្រុមហ៊ុននឹងណែនាំជូនដោយឥតមានគិតកំរៃអ្វី
ទេដូចខ្ញុំបាននិយាយអីចឹងគឺធ្វើយ៉ាងម៉េចចង់ជំរុញយុវវ័យយើងកាន់តែខ្ពស់ឡើងៗ ដូច្នេះខ្ញុំ ស្វាគមន៍រហូត ។

ពិធីករ ដូច្នេះកូនខ្មែររបស់យើងមានភាពងាយស្រួលច្រើនមិនបាច់កាន់ CV ដើរតាមក្រុមហ៊ុននោះទេ គាត់អាចរៀបរាប់អ្វីដែលជា ចំណេះដឹងនិងបទពិសោធន៍ការងាររបស់គាត់ពាក់ព័ន្ធជាមួយនឹងវប្បធម៌ទូទៅក៏អាចបង្ហាញជូននៅក្នុងគេហទំព័រនេះដែរ ហើយរីឯ ក្រុមហ៊ុនដែលគាត់ជ្រើសរើសបុគ្គលិកគាត់អាចបញ្ជាក់បានអំពីការងារនៅក្នុងបែបបទរបស់គាត់តើ យើងអាចធ្វើបានឬអត់ទំនាក់
ទំនងផ្ទាល់តែម្តង ។ គឺវាអាចចំនេញថវិការជាមួយនឹងពេលវេលា ដូចថា អ្នកខ្លះត្រូវ ចំណាយពេលដើម្បីជិះមកកាន់ក្រុមហ៊ុនដូចជា
ថ្លៃសាំង, ថ្លៃទូរស័ព្ទ តែនេះគឺជាការងាយស្រួលបំផុត គ្រាន់តែគាត់បើក នូវគេហទំព័រនេះភ្ជាប់ជាមួយនិង CV គឺរង់ចាំតែថ្ងៃដែល
គេCall ទាក់ទងតែម្តង ។ ចង់ជំរាបសួរលោកពូបន្តទៀត ចំពោះបញ្ហាដំបូងនិងបញ្ហាចំបងដ៏ធំនោះ គឺការផ្តល់គំនិតពាក់ព័ន្ធនិង
ប្រជាជនខ្មែរនៅឯនាយសមុទ្រ ឬភ្ញៀវបរទេស ឃើញថា នៅក្នុងព្រះរាជាណាចក្រកម្ពុជាយើងជាការបន្ទាប់បន្សំ ហើយយើងមាន
ការផ្សព្វផ្សាយជាបន្តតែឥឡូវនេះ រហូតមកដល់រយៈពេល ៦ឆ្នាំដែលបានបង្កើតគេហទំព័រនេះ ឃើញថាកូនខ្មែររបស់យើងនៅក្នុង
តំបន់ ឬក្នុងស្រុករបស់យើងចាប់អារម្មណ៍នូវគេហទំព័រនេះច្រើន តើបានតួរលេខពីយ៉ាងណាមកដែរ ?

លោក ជ្រីវ កុសុណា គឺថាយើងសព្វថ្ងៃនេះអ្នកដែលទស្សនានូវគេហទំព័ររបស់យើងមានច្រើនមែនទែនហើយយើងមានការភ្ញាក់
ផ្អើលព្រោះយើងបានធ្វើគេហទំព័រហ្នឹងតែមួយរយៈពេលខ្លី ក៏ប៉ុន្តែយើងបានទទួលការគាំទ្រយ៉ាងខ្លាំង សព្វថ្ងៃនេះបើយើងមើលជា
ទូទៅ យើងមានមនុស្សប្រហែលពី2000នាក់ទៅ3000នាក់ដែលបានទស្សនាគេហទំព័រនេះក្នុងមួយថ្ងៃតែចំពោះនៅប្រទេសខ្មែរ
យើងគឺមានច្រើនមែនទែននេះគ្រាន់តែខ្មែរយើងសោះអត់មានគិតបរទេសទេគឺជាគេហទំព័រ មួយដែលមានប្រជាប្រិយខ្លាំងមែន
ទែនហើយនេះយើងឈានទៅដល់ធ្វើម៉េចឱ្យបរទេសគេមើលធ្វើម៉េចឱ្យបរទេសគេ ស្គាល់ប្រវត្តិសាស្ត្រខ្មែរយើងបរទេសស្គាល់
ទំនៀមទំលាប់ខ្មែរយើង ដូច្នេះយើងកំពុងតែរៀបចំយុទ្ធសាស្ត្រហ្នឹងដើម្បីធ្វើ ឱ្យមានការគាំទ្រខ្លាំងពីមតិអន្តរជាតិ ។

ពិធីករ សូមស្វាគមន៍អស់លោកលោកស្រីនៅវគ្គទីបីជាបន្តជាមួយនិងកម្មវិធី Varitey@5 ដែលជួបជាមួយលោកពូជី្រវកុសុណា
គឺជាអ្នក ដែលបើកគេហទំព័រថ្មីដំបូងបង្អស់នៅក្នុងព្រះរាជាណាចក្រកម្ពុជាក្នុងកម្មវិធីរបស់យើងនឹងបង្ហាញជូនអំពីប្រវត្តិសាស្ត្រនិង
ប្រវត្តិជាច្រើនរបស់ខ្មែរយើងជូនអស់លោកលោកស្រីទស្សនា។ជាមួយនិងលោកពូផ្ទាល់ តើអាចបង្ហាញថានៅក្នុងគេហទំព័ររបស់
លោកពូផ្ទាល់តើមានអ្វីបន្ថែមឬបង្ហាញជូនថាតើព្រះរាជាណាចក្រកម្ពុជាយើង កើតឡើងតាំងពីពេលណាមកឬក៍ប្រវត្តិពីពេល
ណាមក?

លោក ជ្រីវ កុសុណា នៅក្នុងគេហទំព័រយើងគឺផ្តល់ព័ត៌មានជាច្រើនដែលនិយាយអំពីឬសកែវនៃវប្បធម៌ខ្មែរយើងគឺយើងចង់
បង្ហាញថាប្រវត្តិរបស់ខ្មែរយើងមានតំាងពីរាប់ពាន់ឆ្នាំមកហើយគឺមានន័យថាយើងគឺជាជនជាតិមួយដែលមានប្រវត្តិយូរឧទាហរណ៍៖
នៅលើគេហទំព័រយើងយើងបានបង្ហាញអំពីអាវុធថ្មរបស់ខ្មែរយើងដែលមានតាំងពីរាប់ពាន់ឆ្នាំមកហើយ អាវុធថ្មនេះដូចជានៅ
បរទេសគេមានដែរ នៅអាហ្វិ្រកក្តី,អឺរ៉ុបក្តីដែលគេមានអាវុធថ្មរាប់ពាន់ឆ្នាំមកហើយ ដូច្នេះខ្មែរយើងក៏មានដែរស្គាល់រចនាមាន
ចំណេះចេះដឹងដូចនៅបរទេសប្រទេសធំៗអីចឹងប្រវត្តិសាស្ត្រខ្មែរយើងយើងបានស្រាវជ្រាវរកឃើញអស់ហ្នឹង ។

ពិធីករ តើអាវុធថ្មនេះយើងមានអាយុកាលចាស់ជាងប្រទេសជិតខាងឬក៏យើងកើតក្រោយគេ?

លោក ជ្រីវ កុសុណា អាវុធថ្មយើងនេះមានប្រវត្តិប្រហែលជា២០០០ឆ្នាំមកហើយគឺថាតាំងពីដើមនៃឬសកែវប្រវត្តិសាស្ត្រ
ខ្មែរយើងមើលទៅមិនចាញ់នៅបរទេសទេ ។

ពិធីករ អស់លោកលោកស្រីនិងបងប្អូនរបស់យើងមួយចំនួននៅតាមគេហដ្ឋានឬភោជនីយដ្ឋានឬនៅតាមបណ្តាសាលាផ្សេងៗនោះ ពួកគាត់ឃើញតាំងជាមួយនិងរូបព្រះបាទជ័យវរ័្មនទី៧របស់យើងដែលគាត់មានព្រះកេសឆែបហើយដៃរបស់ គាត់គឺមិនមាន តើគេហទំព័ររបស់លោកពូមានបង្ហាញជូនជីវប្រវត្តិរូបដើមរបស់ព្រះបាទជ័យវរ្ម័នដែរឬទេ ?

លោក ជ្រីវ កុសុណា ថាតាមការស្រាវជ្រាវរបស់យើងយ៉ាងក្បោះក្បាយអំពីរឿងនេះយើងបានស្រាវជ្រាវទៅឃើញថារូបដើមនៃ
ព្រះបាទជ័យវរ្ម័នទី៧រូបរបស់លោកគឺមានដៃតាំងសម្មាធិនេះ ជាមតិមួយតាមការស្រាវជ្រាវថ្មីមួយដែលយើងទើបតែរកឃើញយើង
មានមោទន ភាពណាស់នេះ គឺអ្វីជាអ្វីមួយ ដែលយើងគិតរកឃើញនិងផ្ទុយអំពីរូបភាពដែលខ្មែរយើងសុទ្ធតែបានឃើញ។យើងធ្លាប់
តែបានឃើញរូបភាពព្រះអង្គកំបុតដៃបើមិនអីចឹងទេគឺព្រះកេសឆែបរួចទៅយើង ឃើញ រូបរបស់លោក ដូចជាព្រះមួយអង្គដោយ
លោកមាន ដៃសម្មាធិដែលមានការគោរពមែនទែនតាំងពីសម័យបុរាណកាលយើងមកលោកបណ្ឌិតមីសែលតា្រណេលោកបាន
ស្រាវជ្រាវទៅឃើញអីចឹងមែនដូច្នេះយើងមានភស្តុតាងត្រឹមត្រូវទាំងអស់ដើម្បីពន្យល់ថាព្រះបាទជ័យវរ្ម័នទី ៧គឺរូបព្រះអង្គបាន
តាំងសម្មាធិពិតមែន។

ពិធីការិនី ចាស, ពីកម្មវិធីក៍ចង់ដឹងបន្ថែមទៀតដែរ តើលោកពូមានឯកសារអ្វីមកបង្ហាញជូនក៏ដូចជាវត្ថុបុរាណដែល ប្រជាជនយើង
កំរនឹងបានឃើញនៅតាមទីផ្សារនានា?

លោក ជ្រីវ កុសុណា គឺយើងបានរកឃើញគ្រឿងអលង្ការរបស់ខ្មែរយើងតែខ្ញុំមិនបានយកមកឯកសារជាមួយនោះទេ តែអ្នកទាំង
អស់គ្នាអាចចូលទៅក្នុងគេហទំព័រនេះ ដើម្បីមើលថានេះជាអ្វីមួយដែលថ្មី, ប្លែក, ឃើញថា ប្រជាជនខ្មែរយើងមានគ្រឿងអលង្ការ
តាំងពីបុរាណមកម្ល៉េះហើយ ភាគច្រើនខ្មែរយើង អត់ដឹងទេថាខ្មែរយើងមានគ្រឿងអលង្ការដែលល្អជាលក្ខណៈខ្មែរទាំងអស់ហើយ
ជាខ្មែរពិតៗនេះគឺជាលទ្ធផលនៃការស្រាវជ្រាវរបស់យើងដែលមានគ្រឿងអលង្ការល្អ ដូច្នេះខ្មែរយើងគួរតែមានមោទនភាពទៅលើ
រឿងនេះ។

ពិធីករ បាទ, គេហទំព័ររបស់លោកពូផ្ទាល់មានជាមួយនិងគ្រឿងបុរាណច្បាស់លាស់និងប្រវត្តិច្បាស់លាស់ អាជីវករ របស់យើងបើ
សិនជាគាត់ចង់បង្កើតគ្រឿងទាំងនេះឱ្យទៅជាថ្មី គួរណាតែបើកនូវគេហទំព័រដើម្បីបង្កើតវត្ថុខ្មែរវិញទោះបី ជាស្នាដៃថ្មី ក៍ប៉ុន្តែវាគឺជា
ប្រវត្តិដើមនិងរចនាដើមនៃវត្ថុទាំងអស់នោះ។

លោក ជ្រីវ កុសុណា បាទ, នេះជាគំនិតល្អមួយដូចលោកប្អូនមានប្រសាសន៍អីចឹង ខ្មែរយើងជាអ្នកផលិតខ្មែរយើងអាចយក
គ្រឿងអលង្ការបុរាណជាគំរូហើយមានស្នាដៃថ្មី ។

ពិធីករ បាទ, ដើម្បីបង្ហាញអត្តសញ្ញាណរបស់ខ្លួន ពីព្រោះគ្រឿងអលង្ការខ្លះគាត់បានទទួលស្គាល់នូវអ្វីដែលមានស្រាប់ ហើយអ្វី
ដែលមិនមានគាត់មិនបានដឹង តែអ្វីដែលប្លែកយើងអាចបើកគេហទំព័រនេះយើងនឹងឃើញនូវគ្រឿងអលង្ការថ្មីៗ ក៏ដូចជាការគាស់
រកឃើញផងដែរ។ បាទ, អរគុណច្រើន! ជាចុងក្រោយនេះលោកពូអាចបញ្ជាក់អំពីវិបសាយ និងលេខទូរស័ព្ទក្នុងការឆែកគេហទំព័រ
នេះដើម្បីទំនាក់ទំនងផងដែរ ។

លោក ជ្រីវ កុសុណា គេហទំព័រយើងមានអាសយដ្ឋាននៅ www.SmartCambodia.com ហើយលេខទូរស័ព្ទដើម្បីទំនាក់
ទំនងគឺ               023 726 994        សូមអរគុណ ។

ពិធីករ បាទ, នេះគឺជាព័ត៌មានល្អសំរាប់យុវវ័យផងដែរ ដែលគាត់បានទស្សនាអំពីវិបសាយនិងចូលទៅក្នុងគេហទំព័រនេះហើយជា
ចុងក្រោយនេះចង់ឱ្យ លោកពូមានពាក្យពេចន៍ចុងក្រោយតើមានអ្វីចង់ បង្ហាញឬណែនាំជាបន្ត?

ពិធីករ អស់លោកលោកស្រីជាពិសេសនិស្សិតឬបងប្អូនមួយចំនួនដែលគាត់បានទស្សនាកម្មវិធីនេះនៅក្នុងថ្ងៃនេះ និងនៅពេល
នេះផ្ទាល់តែម្តងជាមួយនិង ឯកសារទាំងអស់នេះគ្រាន់តែជាឯកសារមួយចំនួនតូចនៅក្នុងគេហទំព័ររបស់គាត់តែ ប៉ុណ្ណោះបើ
សិនជាអស់លោកលោកស្រីចង់បានឯកសារច្បាស់លាស់ហើយច្រើនដ៏លើសលប់ទៀតនោះ សូមឆែកនូវគេហទំព័ររបស់គាត់
បន្តទៀត ។ ជាចុងក្រោយនេះកម្មវិធីរបស់យើងនៅក្នុងវគ្គទីបីនេះក៏ត្រូវបានបញ្ចប់សូមអរគុណលោកពូដែលបានផ្តល់កិត្តិយស
នៅ ក្នុងកិច្ចសម្ភាសន៍ផ្ទាល់តែម្តងរូមទាំងការចំណាយពេលវេលាមកដល់ស្ទីឌីយូតែម្តង ។

˜˜˜˜˜˜